د ناوړه مشاورينو او وزيرانو له برکته، تېرو ١٥ کالو کې د نړيوالو مرستو غوښنه برخه له اړتيا پرته مالوماتي ټيکنالوژۍ خوړلې او دغه لړۍ نن هم رو انه ده.

د پوهنې وزارت شاوخوا ٣٠ ميلونه افغانۍ چې ١٥ ښوونځي پرې جوړيدلاى شي، د مايکروسافټ کمپنى هغه پروګرامونه اخلي چې انډوليز وړيا پروګرامونه (Open Source) يې په اسانه او وړيا ترلاسه کولاى شي او د دواړو په کارونه کې هېڅ توپير نشته، دا يې د يوه وزارت يوه وړه بيلګه ده، د تذکرو، ټاکنو کميسيون او نورو ډېټابيزنو په بيليونو فساد خو پرځاى پرېږده.

که حکومت او مشاورين يې پوهېدلاى او يا يې د مالوماتي ټيکنالوژى د پرمختګ لپاره زموږ مشورو ته غوږ نيولاى، دغې برخې به هېواد او هېوادوالو ته سترې ګټې راوړې واى، خو دوى تل زما په خبرو لس کاله وروسته پوهېږي.