د جمعيت ګوند د عمومي غونډې يا کنګرې په جوړولو کې ٣ مړکېدل او څو ټپيان کېدل دا ښيي چې افغانستان کې سياسي ګوندونه ولس او هېواد لپاره چوپړ ته لږ او ګوند کې د اغيزمنو کسانو ګټو ته ډېر ژمن دي. حل دادى چې د هېواد سياسي ګوندونو کې د ولسي ښېګنيزو چارو روحيه را ژوندى او وپالل شي ترڅو اوسنۍ يوازې واک او ځواک ته د رسيدو موخې يې شعوري او قانوني کمزوې کړل شي.

د ګوندونو، ولس او حکومت د ښې راتلونکې لپاره مو مشوره ده چې د سياسي ګوندونو قانون کې بايد سمون راوړل شي. د ګوندونو د جواز ترلاسه کولو او نوي کولو پر وخت باندې لاندې شرتونه پوره کول وغوښتل شي:

٢- د بډيالنې يا اپوزيسيون په ډول يې لږ ترلږه د حکومت پنځه چارې څارلي، ستونزې يې موندلې او د سمون يا حل وړانديز يې کړئ وي يا يې د حل په موخه سوليزه لاريون کړى وي.

که کوم ګوند پورتنۍ چارې نه وي ترسره کړي، جواز يې بايد نوى نه کړل شي. دا به سياسي ګوندونه اړ کړي چې د جګړيز سياست پرځاى ښېګنيز سياست خپل او د ټولنيزو ستونزو د حل په موخه خپل ګوند کې د ښېګڼې روحيه وروزي. پورتنى چارې به ګوندونه له ځانغوښتنې ليرې کړي او هېواد به له جګړو او پرديپالنې څخه وژغوري.