د طالبانو غوښتنه چې متحده ايالاتو سره د سولې په هکله نيغې خبرې کوي پرځاى او حقيقتونو ځکه ولاړه ده چې د کابل حکومت د سولې اړوند څرګند دريځ او هوډ نلري.

حکومت په دوه ډلو ويشل شوى چې ټول وخت يې يو بل ته په دسيسو جوړولو او د ملي شتمنيو په چور او ويش تېرېږي.

هېواد او هېوادوال له زيان سره مخ دي. موږ له پيل څخه ويلي چې حکومت د سولې راوستلو او پرمختګ توان نلري. دادى زموږ وړاندوينه حکومت په خپلو څېړنو کې هم څرګنده کړې.

له حکومته مو غوښتنه ده چې خپل اخرين مسؤليت د رڼو ټاکنو کولو ته خپله ټوله پاملرنه ور واړوي او پر وخت يې ترسره کولو سره د ټاکنو په پاى کې د حکومت چارې اړونده مسؤليت اخيستونکي لوري ته وسپاري.