پاکستان څخه د جګړې ګټلو راز په کابل کې پروت دى

دې کې هيڅ شک نشته چې لر او بر پښتانه افغانان د لوى افغانستان غوښتونکي و او دي، خو تر هغې چې کابل کې واک ريښتنو او په هېواد مينو افغانانو ته پلاس ورنشي نو افغان وژنه په کابل، کوټه او پېښور کې نه بنديږي او د اريا ټوله سيمه به په کړکيچ اخته وي.

پاکستان څڅه د جګړې ګټلو راز په کابل کې پروت دى، دغه جګړه ملي هوډ او ملي مديريت ته ژمن کسان د لاندې او دې ته ورته تګلارو په پلي کولو پرته له جګړې ګټلاى شي.

په پاکستان لومړى ګدار له هغه ځايه هېواد ته په عزت خپل مهاجر راستنول دي چې له بدمرغه اوسني حکومت پروګرامونه د مهاجرو د ستنيدو لپاره د نشت برابر دي.

دوىم: ملت بايد نور له خوبه راپاڅي مخالفين او حکومت دې ته مجبور کړي چې له ځانغوښتنو تېر شي او ملي ګټو ته په ژمنتيا پردى تپلشوې جګړه پاى ته ورسوي.

دريم: افغاسنان بايد د کرنې په برخه کې نويو تخنيکونو ته مخ کړي چې د خوراک له اړخه بسيا شي، لبدمرغه د ولس او حکومت دواړو پروګرامونه پدغه برخه کې د نشت برابر دي. ترڅو پاکستاني پيداور ته نه وويلاى شئ.

دريم: افغانان بايد نيولشوې پښتونخوا او بلوچستان کې ولسونه او د هغوى مشران د پاکستان له تېريو ژغورنې او د هغوى سر او مال ساتنې ژمنه ولري او هغوى ته په افغانستان کې د اوسيدو او پنځيدو حالات برابر کړي.

څلورم: د نيولشوې پښتونخوا او بلوچستان پانګوالو او سوداګرو ته په افغانستان کې د پانګونې او هستوګنې قانوني لارې چارې برابري کړي او هغوى ته په افغانيت وياړ کولو موقع برابرولو سره د پاکستان ملا ماته کړي.

پنځم: افغانستان بايد د پښتونخوا اوسيدونکو په تګ راتګ هېڅ ډول بنديز ونلري اوهغوى ته د افغان کيدو قانوني لارې چارې هواري او د افغانستان د قوانينو تابع يې کړي.

دغه او دې ته ورته نورې چارې، پاکستان له جګړې پرته فتحه کولاى شي. په ياد ولرئ چې پاکستان له افغانستان څخه جګړه نشي ګټلاى. د ډيورنډ پرکرښې جګړې د پاکستان په زيان دي، دغه جګړه ګټل د ديورڼد د کرښې دواړ غاړو پښتنو يوالي ته اړتيا لري دوى بايد جګړه پخپل لاس کې واخلي او د دواړو غاړو له شره ځان وژغوري.