اغلې سوشما سوارج د افغانستان پتمن ولس له اره ولسواک دى او خپلې خپلواکۍ سره بېشانه مينه لري، زموږ د ولس غوڅ ډېرى يا اکثريت د اورپکو، ترهګرۍ او جنګسالارانو پر بډ يا خلاف دى او پخپله خاوره د هر ډول پرديو فوځيانو شتون نه شي زغملاى. دلته جګړې تل د پرديو له راتګ سره پيل شوي.

تاسې د سيمې د يو ستر ولسواک هېواد او د افغانستان دوست په ډول د افغانستان په هکله بايد په خپله تګلاره يا پاليسي بيا غور وکړئ. په کومه تګلاره چې تاسې روان ياست هغه د هند او افغانستان په ګته نه دى.